Gvidlinioj por aŭtoroj

Lingvo: Plej multaj artikoloj estas verkitaj en la angla aŭ en Esperanto, sed ni akceptas artikolojn en iu ajn lingvo.
Traduko: Ni preferas, ke plej multaj artikoloj aperu kaj en la angla kaj en Esperanto (per du apartaj afiŝoj). Ni pretas traduki kontribuojn inter tiuj du lingvoj.
Nombro da vortoj: Minimume 400 vortoj, maksimume 1000 vortoj, ideale 800 vortoj.
Stilo: Profesia, sed komprenebla por neklera publiko.
Ilustraĵoj: Ni ŝatus montri almenaŭ unu ilustraĵon kun ĉiu artikolo. Se vi havas rilatan bildon (ekz. foton), bonvolu sendi ĝin al ni. Ĝi estu libere kopiebla (sen kopirajtaj problemoj).
Ligiloj: Se konvene, bonvolu aldoni ligilojn al aliaj interesaj retejoj aŭ artikoloj por plua legado. Se okazos parola prezento pri la temo, bonvolu doni la daton kaj horon.
Komentoj: Bonvolu indiki, ĉu vi pretas respondi al demandoj, komentoj ktp.
Pri vi: Ne hezitu aldoni ligilojn al via ESF-profilo, Academia.eu, Google Scholar, rilataj retejoj, ktp.
Tempoplano: Artikoloj estas kutime vicigitaj por aperi je postaj datoj, do se vi deziras, vi certe rajtas sendi pli ol unu artikolon samtempe.
Legantaro: Artikoloj neniel estu ofendaj, kaj estu verkitaj en maniero sentema al la legantaro – t.e. tutmonda publiko de homoj loĝantaj en diversaj kulturoj sub tre malsamaj cirkonstancoj, kun malsamaj kutimoj, religioj ktp.